"Manchester Yunayted"ning yangi to‘purari kim bo‘lishi aniq

"Lion" klubi forvardi Mussa Dembele yangi mavsumni "Manchester Yunayted"da boshlashga juda yaqin turibdi.

Manchester Evening News bergan ma’lumotlarga ko‘ra, mankunianliklar 23 yoshli frantsuz futbolchisini 70 mln evroga sotib olish bo‘yicha kelishuvga erishgan.

Ta’kidlash kerakki, “Lion” yangi mavsumda evrokuboklarda ishtirok etmasligi va koronavirus tufayli yuzaga kelgan inqiroz bois etakchi futbolchilarini sotib yubormoqchi.

Dembele “Lion”ga 2018 yil “Seltik”dan ko‘chib o‘tgan edi. U joriy mavsum 42 ta o‘yinda maydonga tushdi va 22 ta gol hamda 7 ta golli uzatmaga mualliflik qildi.