Манчестерликлар: Келмасанг, ўрнингга бештаси бор!

«Манчестер Юнайтед» ҳали ҳам «Ньюкасл»нинг чап қанот ҳимоячиси Льюис Холлни ушбу позицияни кучайтириш учун асосий номзод сифатида кўриб турибди. Бироқ TEAMtalk ёзишича, «қизил иблислар» 21 ёшли футболчини қўлга киритиш учун уни тарихдаги энг қиммат чап ҳимоячига айлантирадиган таклиф беришига тўғри келади. Фақат шундагина «қарғалар» уни сотиш масаласини кўриб чиқиши мумкин.

Манбанинг маълум қилишича, манкунианлар Холл ўрнига бир нечта вариантни ҳам ўрганмоқда. 

Захира режада беш нафар футболчи -  «Расинг» (Сантандер) аъзоси Хорхе Салинас, «Барселона» ҳимоячиси Алекс Бальде, «РБ Лейпциг» футболчиси Давид Раум, «Фулхэм»да тўп сураётган Энтони Робинсон ва «Борнмут» ҳимоячиси Адриен Трюффер бор.

Хабарда таъкидланишича, «Манчестер Юнайтед» Льюис Холлни сотмасликка қатъий қарор қилган «Ньюкасл» раҳбариятининг позициясини «синовдан ўтказишга» тайёр. Шу билан бирга, клубнинг 21 ёшли ҳимоячи учун тахминан 70 миллион фунт (82 миллион евро) атрофида таклиф бериш эҳтимоли жуда паст экани қайд этилган.

Эслатиб ўтамиз, ҳозирча чап қанот ҳимоячилари орасида трансфер учун энг юқори тўлов рекорди сақланиб қолмоқда.