Manchesterliklar olti futbolchini nishonga oldi

“Manchester Yunayted” bosh murabbiyi Ruben Amorim sport bo‘limidan maydon markazini kuchaytira oladigan mahoratli charm to‘p ustasini olib kelishni so‘radi.

Angliya futbolini yoritayotgan manbalar, xususan, talkSPORT nashrining yozishicha, manchesterliklar 2026 yilgi transferlar davrida ikki nafar yarim himoyachini jamoaga olishni rejalashtirmoqda.

So‘nggi ma’lumotlarga qaraganda, klub olti nafar yarim himoyachini nishonga oldi.

Bu ro‘yxatga Karlos Baleba (“Brayton”), Elliot Anderson (“Nottingem Forest”), Adam Uorton (“Kristal Pelas”), Andrey Santos (“Chelsi”), Anjelo Shtiller (“Shtutgart”)  va Konor Gallaxer (“Atletiko”) kiritilgan.

E’tiborli jihati shundaki, bu ro‘yxatga kiritilgan olti nafar o‘yinchi orasida Shtillerdan boshqa barcha ijrochilar Angliya Premer-ligasida o‘ynash tajribasiga ega. Shu bilan birga ularning aksariyati Evropaning qudratli klublari transfer nishoni hisoblanadi.