Манчестерликлар қадрламаган ҳужумчини бешта клуб талашяпти

“Манчестер Юнайтед” раҳбарияти ва мухлислари жамоанинг даниялик марказий ҳужумчиси Расмус Хёйлундни клубдан тезроқ кетишини истаяпти.

Қимматбаҳо форвард икки мавсумдан бери ўзидан кутилган даражада ўйнай олмаяпти. Манчестерликлар тўпурар ҳужумчи масаласини ҳал қилиш учун Бенжамин Шешкони сотиб олди. Ўз-ўзидан энди Расмус Хёйлунд жамоада кераксиз ўйинчига айланади.

Шунга қарамай, Италия клублари 22 ёшли футболчига оҳиз сола бошлади. Журналист Питер Холлнинг маълум қилигича, Хёйлундни “Милан”, “Интер”, “Ювентус”, “Наполи” ва “Рома” каби кучли клублар ўз таркибига қўшиб олишга тайёр.

Хёйлунд Манчестерга келгунга қадар А Серияда “Аталанта” шарафини ҳимоя қилиб, тўпурарлик маҳоратини намойиш қилган эди. Трансфер бўйича экспертларнинг таъкидлашича, Италия клублари бу форвардни кейинчалик сотиб олиш ҳуқуқи билан ижарага олишни истаяпти.