Мане ЖЧ-2022га боради. "Бавария" устозининг бунга реакцияси қандай?

Садио Мане “Вердер”га қарши учрашувда жароҳат олиб, яқинлашаётган ЖЧ-2022ни ўтказиб юбориши тахмин қилинганди. Аммо футболчи Сенегал терма жамоасининг Қатарга борадиган таркибидан ўрин олди. Бу вазиятга “Бавария” мураббийи Юлиан Нагельсманн реакция билдирди:

“Биз 10 кун ичида унга қўйиладиган янги ташҳисни кутмоқдамиз. Сенегал Манени майдонга қайтишини хоҳлаши аниқ, лекин футболчида муаммо бўлса, у ўйнай олмайди. Тиббиёт футболдан доимо устун туради. Бу Садио ва бошқалар билан ҳам шундай.” - деди германиялик мутахассис.

Мане тикланишга улгурган тақдирда ҳам 21 ноябрда бўладиган Нидерландияга қарши биринчи турни ўтказиб юбориши мумкин.