Mane: "Men simulyant emasman"

"Liverpul" hujumchisi Sadio Mane unga bildirilayotgan e’tirozlarga izoh berib o‘tdi.

Mavsumning o‘tgan turlari davomida senegallikning raqib jarima maydonidan yiqilishidan so‘ng, uchrashuv hakamlari shubhali penalti belgilaganliklari ko‘p e’tirozlarga sabab bo‘lmoqda.

Mana shunday vaziyatlarning so‘nggisi "Napoli"ga qarshi Chempionlar ligasi o‘yinida yuz berdi, biroq hakam bu safar 11 metrlik belgini ko‘rsatmadi.

"Men qandaydir foyda uchun yiqiladigan futbolchi emasman. Bazan omad keladi va hakam penalti belgilaydi, ammo bu safar bunday bo‘lmadi. Lekin bu men simulyantman degani emas," - deydi Mane.