Мане:

"Ливерпуль" ҳужумчиси Садио Мане унга билдирилаётган эътирозларга изоҳ бериб ўтди.

Мавсумнинг ўтган турлари давомида сенегалликнинг рақиб жарима майдонидан йиқилишидан сўнг, учрашув ҳакамлари шубҳали пенальти белгилаганликлари кўп эътирозларга сабаб бўлмоқда.

Мана шундай вазиятларнинг сўнггиси "Наполи"га қарши Чемпионлар лигаси ўйинида юз берди, бироқ ҳакам бу сафар 11 метрлик белгини кўрсатмади.

"Мен қандайдир фойда учун йиқиладиган футболчи эмасман. Базан омад келади ва ҳакам пенальти белгилайди, аммо бу сафар бундай бўлмади. Лекин бу мен симулянтман дегани эмас," - дейди Мане.