Янги формат қандай бўлади? Клублар ўртасидаги жаҳон чемпионати ҳақида сиз билмаган маълумотлар

Хўш, биз ўрганиб қолган клублар ўртасидаги жаҳон чемпионатининг янгиланган форматдаги кўриниши қай тарзда бўлади? Ушбу турнирга жамоалар қандай қилиб йўлланма олди?

КЎЖЧнинг аввалги кўринишида ФИФАнинг олтита конфедерациясидан умумий еттита жамоа бир мезбон давлатда 11 кун давомида еттита ўйин ўтказган. Эътибор қилинг, янгиланишдан сўнг жамоалар сони 32 тага етди. Яъни ушбу 32 та жамоа сўнгги тўрт мавсумнинг дунёдаги энг кучли клуби унвони учун курашиш мақсадида Америка Қўшма Штатларига йўл олади ва 29 кун ичида 63 та ўйин ўтказади.

Ушбу турнирнинг янгиланган формати қай тарзда ўтказилади?

Турирнинг янгиланган формати ФИФА жаҳон чемпионати ва УЕФА Чемпионлар лигасининг аввалги форматига ўхшайди. 32 клуб, саккизта тўрт жамоали гуруҳга бўлинади. Улар бир-бири билан бир мартадан ўйин ўтказади ва плэй-офф босқичига йўлланма учун курашади. Гуруҳ ғолиблари ва иккинчи ўрин эгалари кейинги босқичга чиқади. Агарда плэй-офф доирасидаги бахсларнинг асосий дақиқалари дуранг натижа билан якунланса, ғолибни аниқлаш учун қўшимча вақтлар ва пенальти белгиланади. 

Турнирнинг бошланиш ҳамда якуний белашуви қайси саналарда бўлиб ўтади?

Турнирга АҚШнинг 12 та стадиони мезбонлик қилади ва 29 кун давом этади. Очилиш ўйини "Ал-Аҳли" ва "Интер Майами! ўртасидаги учрашув 14 июнь шанба куни Майамидаги "Хардрок" стадионида бўлиб ўтади. Финал баҳси эса 13 июль яъни якшанба куни Ньюжерси штатининг Эст Резерфорд шаҳридаги "Мэтлайф" стадионида ўтказилиши режалаштирилган.

Хўш, мазкур чемпионатга жамоалар қай тарзда йўлланмани қўлга киритди? Мезонлари қандай?

Жавоб шундайки, мусобақага йўлланма олишнинг икки усули мавжуд. Биринчиси, сўнгги тўрт мавсумнинг бирида қитъа чемпионлигини қўлга киритиш орқали. Масалан, УЕФА чемпионлар лигаси Конмебол Либертадорес ва бошқалар. Агар қайсидир клуб ушбу турнирларда "Реал Мадрид" каби бир неча бор ғолиб бўлса, унинг ўрни иккинчи усул бўйича сараланган жамоага берилади. Навбатдаги усул орқали эса йўлланмани тўрт йил давомида юқори даражадаги қитъа мусобақаларида яхши натижалар кўрсатган жамоалар қўлга киритади. Ҳар бир конфедерацияга кучи ва даражасига қараб маълум миқдорда ўринлар ажратилган. жумладан УЕФАга 12 та, Конмеболга олтита ўрин, Конкакаф ва Африка учун тўрттадан бўлса, Океяния учун эса битта ўриньажратилган. Ҳар бир мамлакатга эса максимал иккита иштирокчига рухсат берилди. Бироқ, бир истисно билан: барча қитъа чемпионлари клублар ўртасидаги жаҳон чемпионатида ўйнаш ҳуқуқига эга. Бразилия клублари жанубий Америка футболида шунчалик устунликка эгаки, улар Конмебол Либертадореснинг сўнгги тўрт мавсумида саралаш босқичини турли клублар билан ғолиб чиқишди. Шу сабабли Бразилия мусобақада иккита эмас, балки тўртта жамоа билан иштирок этади. Юқоридаги мезон сабабли Европанинг юқори савиядаги олтита жамоаси мазкур турнирда иштирок эта олмайди. Булар: "Ливерпуль", "РБ Лейпциг", "Барселона", "Наполи", "Севилья" ҳамда "Милан" клубларидир. "Челси" ва "Манчестер Cити" сўнгги мавсумларда чемпионлар лигасида ғалаба қозониб йўлланмани қўлга киритгани учун саккизинчи ўринда турган "Ливерпуль" УЕФА квотасини тўлдириш учун четлаб ўтилди. Сабаби, аллақачон Премьер-лигадан иккита жамоа танлаб олинган эди. "Бенфика", "Ювентус", "РБ Залцбург" эса тўрт йил давомида бошқа клубларга нисбатан яхшироқ натижа кўрсатганлари учун йўлланмага эга чиқишди. Чемпионлар лигасидаги натижалари "Атлетико"никидан бироз ёмонроқ бўлгани сабабли "Барселона" ҳам рейтингдаги ўрнини бой берди.

Янгиланган турнирнинг янги кубоги бўлади!

ФИФАнинг таъкидлашича, янги кубок ҳар бир клуб, футболчи ва мухлиснинг машаққатини ўзида мужассам этган умид, мукаммаллик ва ғурур тантанасидир. ФИФА клублар жаҳон чемпионати кубоги 24 каратли олтин қоплама билан безатилган бўлиб, унинг ҳар икки томонида футболнинг бой тарихини акс эттирувчи матн ва тасвирлар лазер ёрдамида нақшланган. Ушбу нақшларда дунё харитаси барча 211 та ФИФАга аъзо ассоциациялар ва олтита конфедерацияларнинг номлари мавжуд бўлиб, улар футболдек гўзал ўйиннинг географик ва маданий хилма-хиллигини ифодалайди. Кубокнинг марказий қисмида футбол анъаналарини акс эттирувчи бир қатор рамзлар, жумладан стадионлар ва жиҳозларнинг белгилари ҳамда дунё харитаси тасвирланган. Бундан ташқари кубикда 13 тилда ва брил алфбосида ўймалар мавжуд бўлиб, бу глобал ўйиннинг инклузив руҳини янада акс этади ваирнинг бутун дунё бўйлаб турли хил аудитория учун очиқлигини таъминлайди. Кубикда ғолиб клубларнинг логотипларини лазер ёрдамида ўйиб тушириш имконияти мавжуд. Бундан ташқари кубjк қалқондан кўп қиррали ва орбитал шаклга ўзгариши мумкин. Бу кучли визуал тузилмани яратадиган мослашув дизайндир. Кубикда қуйидаги ёзув ўйиб ёзилган: "Ушбу кубокни қўлга киритганлар тарих сизники. Сиз клублар футболининг чўққиси бўлган, саноқли клубларга насиб этган, аммо кўпчилик томонидан нишонланадиган тарихий лаҳзанинг гувоҳи бўлдингиз."