Мане "Реал"га ўтишга тайёр

"Ливерпуль" форварди Садио Мане ёзда "Реал"га кўчиб ўтишга тайёр. Бу ҳақда Marca нашри хабар бермоқда.

Юқоридаги манбаага кўра 26 ёшли сенегаллик футболчи Зинедин Зидан қўл сотида тўп суришни хоҳламоқда. Ўз навбатида франциялик мутахассис ҳам уни ўз жамоасида кўриш истагида.

Маненинг фикрича унинг Англиядаги фаолияти ўз ниҳоясига етиб бормоқда. Бироқ, “қироллик клуби”га уни сотиб олиш осон бўлмайди. Чунки, Маненинг мерсисайдликлар билан амалдаги шартномаси 2023 йилга қадар имзоланган ва унда товон пули белгиланмаган. Бундай ҳолатда эса “Ливерпуль” уни истаган маблағига сотиши мумкин.

Маълумот учун, Мане жорий мавсум “Ливерпуль” сафида жами 38та ўйинда майдонга тушди ва ўз ҳисобига 20та гол ҳамда 4та голли узатма ёздириб қўйишга эришди.