Манега ҳам Саудия Арабистонидан таклиф бор. У собиқ жамоадоши билан бир клубда ўйнаши мумкин

"Бавария" футболчиси Садио Манега Саудия Арабистонидан таклифлар бор, дея хабар берди Фабрицио Романо. Уни "Ал-Аҳли" ўз таркибига қўшиб олмоқчи. 

"Ал-Аҳли"га яқиндагина Роберто Фирмино ўтганди. Клуб унинг собиқ жамоадоши Манени ҳам сотиб олишни режа қилган. Сенегаллик ҳужумчи учун Саудиянинг яна бир қатор клублари кураш олиб бормоқда. 

Германиянинг айрим нашрлари Садиони "Бавария"ни тарк этишга розилиги ҳақда хабар тарқатди. Агарда яхшироқ таклиф келса, мюнхенликлар ҳам уни қўйиб юборишга тайёр.

Маълумот учун, Маненинг "Transfermarkt" порталидаги нархи 25 миллион еврога тушди.