Манжукич фаолиятини МЛСда давом эттиришга жуда яқин турибди

Туриннинг "Ювентус" клуби ҳужумчиси Марио Манжукич фаолиятини МЛСда давом эттиришга тайёр. Бу ҳақда Calciomercato нашри хабар тарқатмоқда.

Таъкидлаш керакки, 33 ёшли хорватиялик футболчи жамоани тарк этиш эҳтимоли мавжудлиги сабаб А Сериянинг 3-туридан ўрин олган “Фиорентина”га қарши ўйин қайдномасига ҳам киритилмади.

Маълумотларга қараганда АҚШнинг “Лос-Анжелес” клуби Манжукичга узоқ йиллик шартнома таклиф қилмоқда. Бундан аввалроқ эса унга Қатар клуби ҳам қизиқиш билдирган эди.

Эслатиб ўтамиз, Манжукич “Ювентус” сафида 2015 йилдан буён тўп суриб келмоқда. У ўтган давр мобайнида жами 162 та ўйинда майдонга тушди ва ўз ҳисобига 44та гол ҳамда 24та ассист ёздириб қўйишга эришди.