Марадона касалхонадан чиқди

Аргентиналик афсонавий футболчи Диего Марадона миясидан ўтказилган жарроҳлик амалиётидан сўнг, касалхонадан чиқди. Бу ҳақда Football Italia нашри ёзмоқда.

“Марадона ҳаётидаги энг қийин лаҳзани бошдан кечирди ва у буни енгиб ўтди. Диего энди ўзини яхши ҳис қилмоқда ва тузалиш йўлида. У даволаниш жараёнини фақат оиласи даврасида ўтказмоқчи. Марадонага  ғамхўрлик ва хотиржамлик керак”, - деди Марадонанинг адвокати Матиас Морла.

60 ёшли Марадона 2 ноябрь куни касалхонага ётқизилган эди.