Марадона яхши футболчи, аммо яхши инсон эмас. Диего ҳақида бундай гапларни ким гапирди?

"ЖЧ-1990" финалида бош ҳакам сифатида фаолият олиб борган Эдгардо Кодесаль аргентиналик футбол афсонаси Диего Марадона ҳақида гапириб берди.

“Менга нисбатан ёмон муносабатдаги аргентиналиклар борлигидан ҳали ҳам ранжийман. Улардан менга ҳамон салбий маънодаги хабарлар келади, ҳатто улар орасида оила аъзоларим коронавирусдан вафот этишини хоҳлаётганлари ҳам бор.

Мен Марадонани ўйин бошланмасдан туриб, мадҳия пайтида ҳақорат қилгани учун майдондан четлатишим ҳам мумкин эди. У энг яхши футболчи, аммо яхши инсон эмас. У мен тўқнаш келган энг ёмон инсонлардан бир”, - дейди Кодесаль.

Эслатиб ўтиш лозимки, 1990 йилги мундиаль финалида Германия Федератив Республикаси ва Аргентина терма жамоалари баҳс олиб борган. Ўша учрашувда немислар пенальтидан киритилган ягона гол ҳисобига ғолиб бўлишган эди. Ўйин давомида эса ҳакам аргентиналикларнинг 2 нафар футболчисини майдондан четлатган.

Матнда хатолик топсангиз, ўша хатони белгилаб, бизга жўнатинг (Ctrl + Enter)