Марат Бикмаев: Арвеладзенинг машғулотлари жуда қизиқарли

Мавсум аввалида “Пахтакор”га кўчиб ўтган ҳужумчи Марат Бикмаев бу ердаги янги устози Шота Арвеладзе ҳақида гапириб ўтди.

"Локомотив" билан "Пахтакор"ни солиштира олмайман. Иккала жамоада ҳам ажойиб муҳит ҳукм суради. Шота Арвеладзе ҳақида нима дейишим мумкин? Уни ҳамма яхши билади. Арвеладзе фаолияти давомида топ-клубларда ўйнаган. У таниқли инсон, шунинг учун ўзига яраша номи бор. Арвеладзенинг машғулотлари жуда қизиқарли. Ҳамма вақт ўз ишига профессионал тарзда ёндашади. Аслида ҳам топ-клубларда иш услуби шунақа бўлиши керак. Умумий маънода олганда, «Пахтакор»да ҳаммаси яхши. Ортиқча бирор-бир муаммо йўқ", - дейди маҳоратли ҳужумчи.