Marca ЦСКАнинг қайси легионери Ла Лигага ўтишини маълум қилди

Нуфузли манба – Marca нашри муҳаррири Хуан Кастро яқин келажакда ЦСКАдан Испания чемпионатига кўчиб ўтиши кутилаётган футболчи номини эълон қилди.

Кастронинг таъкидлашича, “армиячилар”нинг чилилик ҳужумчиси Виктор Давила тез орада Ла Лига аъзоси бўлиши мумкин.

- Россия чемпионатида яқин келажакда Ла Лига клубига кўчиб ўтиши мумкин бўлган ўйинчи борми? Ҳа, бор. Бу ЦСКАнинг чилилик легионери Виктор Давила. Ўйлашимча, у тез орада Ла Лига жамоаларидан бирида пайдо бўлади, - деди Хуан Кастро.

Таъкидлаш жоизки, ЦСКА ўтган ёзда ҳужум чизиғини кучайтириш учун “Пахтакор”дан Аббосбек Файзуллаев ва Мексиканинг “Леон” клубидан Виктор Давилани трансфер қилганди.

Эслатиб ўтамиз, Аббосбек Файзуллаев ҳам келажакда Испания чемпионатида тўп тепмоқчи эканини таъкидлаб келади. 20 ёшли легионеримиз. “Барселона” ва Лионель Месси мухлиси ҳисобланади.