Мареска: «Энди Холланнинг ҳаёти ўзгарди»

«Манчестер Сити» бош мураббийи Энцо Мареска Эрлинг Холаннинг янги мавсумни юқори темпда бошлаганини баҳолади. 2026/2027 йилги мавсум старт олиши билан Норвегия терма жамоаси форварди Англия премьер-лигасида ўтказилган уч учрашувда учта гол уришга муваффақ бўлди.

«У ҳозир ҳақиқий эркак, ота. Эрлинг клубга келганида у ҳали ота бўлмаганди. Энди унинг ҳаёти ўзгарди. Холанн ота бўлди, унинг ҳаётида бошқа устуворликлар пайдо бўлди. Мен бу учун жуда хурсандман. Эрлинг етук, баркамол футболчига айланди», – дея Маресканинг сўзларини келтирди «шаҳарликлар» матбуот хизмати.

Англия чемпионатида уч турдан сўнг «Манчестер Сити» тўлиқ 9 очко жамғариб, турнир жадвалида пешқадамлик қилмоқда. «Кўклар» шу пайтгача шунингдек 9 очко тўплаган «Арсенал»ни қўшимча кўрсаткичлар бўйича ортда қолдирган.