Марҳум Марадона Месси ҳақида нималар деган эди?

Лионель Месси Аргентина терма жамоасининг ҳақиқий етакчиси сифатида жаҳон чемпионатида ўзини мукаммал кўрсатмоқда. Айни шу пайтда журналистлар марҳум Диего Марадонанинг бир неча йил аввал айтган сўзларини ёдга олишди.

“Биз Леони илоҳийлаштирмаслигимиз керак. У "Барселона"да ўйнаганида Месси. Аргентина терма жамоасида эса бошқача Мессини кўрамиз. У ажойиб футболчи, лекин етакчи эмас. Ўйин олдидан 20 марта ҳожатхонага борадиган футболчидан етакчи ясашга уриниш бефойда”, — деган эди Марадона 2018 йилда Fox Sports нашрига берган интервьюсида.

Агар Диего Марадона Лионель Мессини ҳозир кўрганида, унинг фикри бошқача бўлиши мумкин эди. Боиси,  Месси 2021 йилда Аргентина терма жамоаси билан Америка кубогида илк бор ғалаба қозонди. Ҳозир эса жаҳон чемпионлиги арафасида турибди.

Эслатиб ўтамиз, Диего Марадона 2020 йил 25 ноябрда вафот этган эди.