Марко Росси: "Собослаининг болалик орзуси – "Реал"

Венгрия терма жамоаси бош мураббийи Марко Росси ўз шогирди Доминик Собослаи ҳақида фикр билдирди. Аввалроқ ярим ҳимоячининг "Ливерпуль"дан "Реал"га ўтиши мумкинлиги ҳақида миш-мишлар тарқалган эди.

"The Touchline" келтирган маълумотга кўра, Росси шундай деган: "Собослаи болалигида футбол ўйнай бошлаганидан бери унинг орзуси доимо "Реал" бўлган. Доминик футбол билан шуғуллана бошлаган пайтданоқ ягона орзуси — "Реал" сафида ўйнаш эди".

2025/2026 йилги мавсумда Собослаи "Ливерпуль" таркибида 34 та учрашувда майдонга тушиб, 9 та гол ва 7 та голли узатма муаллифи бўлди. Transfermarkt портали 25 ёшли футболчини 85 миллион евро баҳоламоқда.