Marko Stanoevichni qancha muddatga safdan chiqqanini bilasizmi?

“Nasaf” klubining serbiyalik legioneri Marko Stanoevich chempionatning so‘nggi turlaridan birida, aniqrog‘i, “Dinamo”ga qarshi uchrashuvda jarohat olgandi va shundan so‘ng futbolchi operatsiya stoliga yotdi.

“Nasaf” bosh murabbiyi Ro‘ziqul Berdiev Sports.uz jurnalisti bilan suhbatda Stanoevichning holati haqida ham to‘xtalib o‘tdi.

“Marko operatsiya stoliga yotgan. Unda tiklanish jarayoni bo‘ladi. Imkon qadar klubimiz u haqida qayg‘uryapti. Baribir uni jarohatdan keyin tiklanishi besh oyga cho‘ziladi. Shu sababdan futbolchi bilan qanday shartnoma tuzilishi bu jamoaga bog‘liq”, - deydi Berdiev.

Stanoevich 2022 yilgi Superliga bahslarida 24 ta uchrashuvda maydonga tushib 1 ta gol urdi. O‘zbekiston Kubogida 4 ta o‘yinda ishtirok etdi.

"Nasaf" bu transferni amalga oshirishi mumkin, Saitov "Paxtakor"ga o‘tishni juda xohladi, uning bu qarorini kutmagandik" - Ro‘ziqul Berdiev tarkibdagi o‘zgarishlar haqida