"Марсель" президенти ПСЖ билан ўйин вақти ҳақида фикр билдирди

Франция чемпионати 5-туридан ўрин олган "Марсель" – ПСЖ учрашуви билан бир вақтда Парижда "Олтин тўп" тақдирлаш маросими ўтмоқда.

"Марсель" президенти Пабло Лонгория вазият юзасидан шундай деди:

"Хавфсизлик бўйича профелект қарори спортдан ҳам устун туради, чунки бу энг муҳими. Унга қарши чиқишимиз мумкин эмас эди. Қоидалар стадионда тортишувларни олдини олиш учун ишлаб чиқилган.

Беллашув "Олтин тўп" маросими билан бир вақтга тўғри келдими? ПСЖни тушуниб турибман. Албатта, жуда ачинарли, лекин футбол – аввало майдондаги ўйин. Қоидаларга риоя қилиш эса ҳамма нарсадан муҳим.

Ўйинни декабрга кўчириш? Бунда биз етти кунда учта ўйин ўтказишимизга тўғри келарди. Шунинг учун бу энг адолатли ечим бўлди", – деди Лонгория.