Марсело Роберто Карлоснинг "Реал"даги натижасини такрорлади

Мадриднинг "Реал" клуби ҳимоячиси Марсело кеча Испания кубоги 1/8 финалида "Сарагоса"га (4:0) қарши ўйинда иштирок этди. Эътиборлиси, бу 31 ёшли бразилиялик футболчи учун “қироллик клуби”даги 500-ўйин бўлди.

Opta статистик портали тарқатган хабарга қараганда Марсело бу қадар кўп ўйин ўтказган "Реал" тарихидаги иккинчи легионерга айланди.

Аниқроғи, Марсело бу борада ҳамюрти Роберто Карлосдан кейинги иккинчи футболчи бўлди. Таъкидлаш керакки, Карлос ҳисобида 527 та ўйин мавжуд.