Марсело: "Роналду "Реал"га келишини эшитиб, клубдан кетмоқчи бўлганман"

Мадрид "Реал" собиқ ҳимоячиси Марсело Криштиану Роналду билан муносабатлари ҳақида гапирди.

Бразилиялик футболчи "қироллик клуби" таркибида 2007 йилдан 2022 йилгача, португалиялик ҳужумчи эса 2009 йилдан 2018 йилгача ҳаракат қилган.

"Менинг Криштиану билан муносабатим Бразилия ва Португалия терма жамоалари ўртасидаги ўйинда бошланган. У жуда тез эди, шунинг учун мен уни тўхтатиш учун қўпол ҳаракат қилишга мажбур бўлдим. У мени ушлади, мен ҳам жавоб қайтармоқчи бўлдим, лекин у жуда баланд эди.

Кейинроқ "Реал" Роналду билан шартнома имзолашини билдим. Ўшанда ҳазиллашиб: "Мен клубдан кетаман", деган эдим. Аммо ҳаммаси яхши якунланди,"— дея Марселонинг сўзларини келтиради Madrid Xtra нашри.

Эслатиб ўтамиз, 36 ёшли Марсело ўтган ой футболчилик фаолиятини якунлаган эди.