Мартинес фаолиятини Испаниянинг топ клубида давом эттириши мумкин

"Интер" жамоасининг ҳужумчиси Лаутаро Мартинес фаолиятини Ла Лигада давом эттириши мумкин. Бу ҳақда "Todofichajes" нашри хабар бермоқда.

Манба маълумотларига кўра, 27 ёшли ҳужумчининг хизматларига Мадриднинг "Атлетико" жамоаси қизиқиш билдирмоқда. "Матрасчилар" ҳужум чизиғида Мартинес ватандоши Хулиан Алварес билан жуфтлик ташкил қилиши мумкин.

Лаутаронинг трансфер нархи 95 миллион еврони ташкил этади, унинг "нерадзуррилар" билан амалдаги шартномаси 2029 йилнинг июнь ойи охиригача мўлжалланган. Якунига етган мавсумда Италия чемпионатида 27 ёшли аргентиналик ҳужумчи 31 та ўйин ўтказиб, 12 та гол урди ва 3 та голли узатмани амалга оширди.