"Машъал" - "Андижон" ўйин санаси ўзгарди

Ўзбекистон Cоcа-Cоlа Кубогида муваффақиятли иштирок этаётган «Андижон» ярим финал йўлида 3 сентябрь куни АГМК клубини қабул қилади. МТРК билан келишув асосида ½ финал беллашувлари 2-3 сентябрь кунлари ўтиши аввалдан белгилаб қўйилганди. Ўз-ўзидан ОФК Кубогида иштирок этаётганидан келиб чиқиб, «Сўғдиёна» иштирокидаги ўйин ҳамда Cоcа-Соlа Суперлиганинг 17-турини нисбатан эртароқ ўтказаётган Наманган ва Тошкент грандлари иштирокидаги ўйин 2 сентябрда ўтиши ойдинлашди. Қолган икки беллашув эса 3 сентябрдан жой олди.

Элита йўлида кураш олиб бораётган Муборак ва Андижон жамоалари 6 сентябрь куни Про лига доирасида тўқнаш келиши керак эди. Кубок ўйини сабаб мазкур беллашув 7 сентябрда бўлиб ўтади. Про лиганинг 18-тур беллашувлари эса ўзгаришсиз қолади ва барча жамоалар спорт принципларидан келиб чиқиб, I-босқичнинг сўнгги турини бир вақтда ўтказади.

ЎзПФЛ матбуот хизмати.