"Машъал" клуби баёнот берди: Асрор Алиқулов жамоа билан бирга эмас

Иккинчи даврага қизғин тайёргарлик олиб бораётган Муборакнинг “Машъал” жамоасининг мураббийлар штабида вақтинча ўзгариш юз берди. Бу хусусида клуб матбуот хизмати хабар бермоқда.

Оммавий ахборот воситаларида тарқалаётган хабарларга кўра, бош мураббий Асрор Алиқулов жамоа билан бўлмаётгани айтилмоқда. 

Мазкур ҳолат бўйича олинган расмий маълумотларга кўра, Асрор Алиқулов вақтинча таътилга чиққан. Таътилнинг сабаби оилавий шароитлар билан боғлиқ. 

Эслатиб ўтамиз, унинг “Машъал” билан тузган шартномаси 2027 йилгача амал қилади ва клуб мураббийга тўлиқ ишонч билдиради.

Айни пайтда жамоани Отабек Нарзуллаев иккинчи даврага тайёрламоқда