"Mash’al" pley-off bahsida "Sho‘rtan"dan ustun keldi

Bugun Qarshidagi "Markaziy" arenada Pro ligada Superligaga chiqish uchun kurashayotgan "Mash’al" va "Sho‘rtan" o‘rtasidagi  pley-off bahsi bo‘lib o‘tdi.

Qashqadaryo viloyati jamoalarining o‘zaro bellashuvida muborakliklar vakili Sergiy Pertov tomonidan 63-daqiqada kiritilgan gol yagonaligicha saqlanib qolindi. 73-daqiqada "Mash’al" futbolchisi Sobit Sindorov qizil kartochka olib maydonni tark etgandi. Lekin son jihatdan ustunlikdan g‘uzorliklar foydalana olishmadi.

Natijada "Mash’al" o‘tish o‘yiniga yo‘l oldi. "Sho‘rtan" esa Pro ligada qoladigan bo‘ldi.