Mashhur yarim himoyachi "Barselona"ning taklifiga javob bermayapti

"Barselona" yarim himoyachisi Frenki de Yong klub bilan shartnomasini uzaytirishga shoshilmayapti, deya xabar bermoqda jurnalist Xaver Migel.

Manbaga ko‘ra, Gollandiya terma jamoasi futbolchisi hozircha klubning shartnomani uzaytirish haqidagi chaqiriqlariga e’tibor bermayapti. Ayni paytda "Barselona" futbolchini sotish haqida o‘ylamoqda.

Avvalroq, De Yongning maoshi yiliga 37,5 million evroni tashkil etishi, bu Ispaniya chempionatidagi eng yuqori ko‘rsatkich ekanligi haqida ma’lumotlar paydo bo‘lgan edi.

Ma’lumot uchun, De Yong 2019 yilning yozida "Ayaks"dan "Barselona"ga o‘tgan edi. Bu davrda u barcha turnirlarda 213 ta uchrashuvda qatnashib, 17 ta gol va 21 ta golli uzatmani amalga oshirgan. Transfermarkt portalida berilgan ma’lumotlarga ko‘ra, futbolchining narxi 70 million evroni tashkil qiladi.