Машҳур юлдуз афсусда: Ўн йиллик шартнома тузиб, бекор қилибман!

Испания чемпионатининг ўртамиёна жамоаларидан ҳисобланган “Атлетик Бильбао” жамоаси етакчиси Нико Уильямс ўтган ёз клуб билан ўн йиллик янги шартнома имзолаган эди.

Нико Уильямс икки марта “Барселона”га ўтишга жуда яқин келган. Айниқса, ўтган йили ёзда  “Барселона” унинг трансферини деярли келишиб бўлган, Нико ҳам Каталонияга кетиш вариантини танлаган пар паллада трансфер амалга ошмай қолди. Охир-оқибат  футболчи “Атлетик”да қолиб, узоқ муддатли шартномани қабул қилган эди.

Энди Уильямс бу қарорида афсусда. У ҳозирги жамоаси билан катта ютуқларга эришишга умидини йўқотган. Бу ҳақда The Touchline нашри хабар қилди.

Манбага кўра, ФИФА томонидан клубга 2028 йилгача қўйилган трансфер тақиқлари вазиятни яна оғирлаштирган. 23 ёшли футболчининг атрофидагилар ўйинчи ўзини “қопқон”га тушиб қолгандек ҳис қилаётгани ва шартномани узайтирганидан афсусланаётганини айтяпти.