Мастантуоно: "Мен унга ўхшаган футболчини аввал кўрмаганман"

"Реал Мадрид" ярим ҳимоячиси Франко Мастантуоно жамоадоши Жуд Беллингем ҳақида гапирди ва уни мақтади. Сешанба куни 18 ёшли аргентиналик футболчи "қаймоқранглилар" сафида ўзининг илк голини "Леванте"га қарши ўйинда (4:1) урди.

- Жуд - ажойиб футболчи, ўз услубида ягона. У менда кучли таассурот қолдирди. Мен бундай футболчиларни илгари ҳеч қачон кўрмаганман. У майдондан ташқарида ҳам намуна бўладиган ажойиб етакчилик қобилиятларига эга. Беллингем бизга жуда катта ёрдам беради, - деди Мастантуоно ўйиндан кейинги интервью давомида.

Маълумот учун, англиялик футболчи яқинда ёзда елкасида ўтказилган жарроҳлик амалиётидан сўнг тикланишни якунлади.