Мата: Эртами, кечми "Реал"нинг ўрнини эгаллашимиз лозим

Англиянинг "Манчестер Юнайтед" клуби ярим ҳимоячиси Хуан Мата УЕФА Суперкубоги олдидан ўтказилган матбуот анжуманида ўз фикрлари билан ўртоқлашди.

– “Реал” – Чемпионлар Лигасининг амалдаги ғолиби ҳисобланади. Биз эса Европа Лигасида ғалаба қозонганмиз. Албатта, “Реал”да ҳаммаси рисоладагидек ва ҳамма ҳам ушбу жамоани мағлуб этишни истайди. Рақибнинг кучини тушуниб турибмиз, аммо “МЮ”да ҳам ўзига яраша бой анъаналар ва кўплаб совринлар мавжуд. Ўтган мавсумда биз иккита совринни қўлга киритдик. Ҳозирми, кейинми биз “Реал”нинг ўтган мавсумда қўлга киритган натижаларни такрорлаймиз, – дейди Мата УЕФА расмий сайтига.

Бугун ҳам сиз азиз мухлисларимизга кун давомида Скопье шаҳридан эксклюзив хабарларни тақдим этишга ҳаракат қиламиз. Бизни кузатишда давом этинг.