Матюиди "Монако"га ўтишни хоҳламади

Туриннинг "Ювентус" клуби ярим ҳимоячиси Блез Матюиди "Монако"га ўтишни хоҳламади. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра 32 ёшли франциялик футболчи гарчи “кекса синьора”нинг янги бош мураббийи Маурицио Сарри уни ўз режаларига киритмаётган бўлсада барибир жамоадан кетмоқчи эмас.

Эслатиб ўтамиз, Матюидининг туринликлар билан амалдаги шартномаси 2020 йилга қадар имзоланган. Унинг трансфери эса 22 млн еврога баҳоланмоқда.

Маълумот учун, Матюиди ўтган мавсум “Ювентус” сафида жами 42та ўйинда иштирок этган ва 3та гол ҳамда 3та голли узатмага муаллифлик қилишга эришган.