Матюиди учун АПЛнинг икки гранди курашмоқчи

Туриннинг "Ювентус" клуби ярим ҳимоячиси Блез Матюиди фаолиятини Англия премьер-лигасида давом эттириши мумкин. Бу ҳақда Calciomercato нашри хабар тарқатмоқда.

Юқоридаги манбаага кўра 32 ёшли франциялик футболчига "Манчестер Юнайтед" ва "Арсенал" клублари жиддий қизиқмоқда.

Маълумот учун, Матюиди 2017 йилдан “Ювентус” сафида тўп суриб келмоқда. У ўтган давр мобайнида жами 118 та ўйинда майдонга тушди ва 8 та гол ҳамда 7 та голли узатмага муаллифлик қилди.