Маурисио Почеттино: Менинг футболчиларим - қаҳрамонлар

“Тоттенхэм” клуби бош мураббийи Маурисио Почеттино кеча “Манчестер Сити”га қарши бўлиб ўтган ўйиндан сўнг ўз фикрларини билдириб ўтди.

Эслатиб ўтамиз, гарчи “шпорлар” шу куни 4:3 ҳисобида мағлуб бўлишган бўлсаларда, ўз уйларида қўлга киритилган 1:0 ҳисобидаги ғалаба уларни ярим финалга олиб чиқди.

“Воқеаларнинг бундай якунланганига ақлбовар қилмайди. Мен жуда бахтлиман. Менинг футболчиларим – қаҳрамон, улар билан фахрланаман. Мен улар учун ва мухлисларимиз учун жудаям хурсандман.

Ўша пайтда (“сити”нинг қўшимча дақиқаларда урган голи VAR ёрдамида бекор қилинган вазият.sports.uz) бошимдан жуда кўп нарсалар ўтди. Барчада катта умидсизлик пайдо бўлди. Аммо, кейин қарор ўзгартирилди. Мана шунинг учун ҳам биз футболни яхши кўрамиз.

Бугун биз ўз характеримизни кўрсатдик, бу ақлбовар қилмас ўйин эди”, - дейди аргентиналик мутахассис.

Эслатиб ўтамиз, “Тоттенхэм” энди мусобақанинг ярим финалида “Реал” ва “Ювентус”ни турнирдан чиқариб юборган “Аякс”га қарши баҳс олиб боради.

Фикрлар

Фикр қолдириш учун авторизациядан ўтинг!