Мавсум давомида "Реал" дарвозасига битта ҳам узоқ масофадан гол урилмади

"Реал" Ла Лиганинг 2019/20 йилги мавсумида бирорта ҳам узоқдан берилган зарба эвазига гол ўтказиб юбормади.

"Қаймоқранглилар" камида 2003/04 йилги (аввалги мавсумлар статистикалари маълум эмас) мавсумдан бери ушбу кўрсаткичга эришган биринчи жамоага айланди.

Испания чемпионатининг жорий мавсумида мадридликлар дарвозаси томон жарима майдончаси ташқарисидан умумий 28 марта зарба йўлланди. Шуларнинг 24 тасини Тибо Куртуа қайтариб қолган бўлса, яна 4 та сейв Альфонсо Ареоляга тегишли.