Мавсумни "Челси"да ўтказган Закария Лондонда қолиши мумкин

Якунига етган мавсумда "Челси"да ижара асосида тўп тепган Денис Закария "Ювентус"га қайтиши кутилмоқда. Аммо унда Лондонда қолиш имконияти ҳам мавжуд. 

Деклан Райсни сотиб бўлгач, "Вест Хэм" унинг ўрнини тўлдира оладиган таянч ярим ҳимоячиси сотиб олишни режа қилган. Вариантлар орасида швецариялик футболчи фаворитлар қаторида турибди. Бу ҳақда "Mail Sport" нашри хабар берди. 

Олдинроқ, Фабрицио Романо "Ювентус" ижарадан қайтадиган футболчиларини сотувга қўйгани ҳақда маълум қилганди. Булар Артур Мело, Уэстон Маккенни ва Денис Закария.