Махачқалъанинг «Динамо» жамоаси Дзюба билан эҳтимолий шартнома бўйича муносабат билдирди

Махачқалъадаги «Динамо» жамоасининг бош директори Шамиль Газизов ҳозир эркин агент мақомига эга бўлган ҳужумчи Артём Дзюба клубга ўтиши эҳтимолига изоҳ берди.

— Артём — катта даражадаги футболчи. Унинг профессионал ва инсоний фазилатлари муҳокамага ҳам ҳожат қолдирмайди. Уни таклиф этиш масаласини барчамиз биргаликда, шу жумладан Артёмнинг ўзи билан ҳам чуқур ўйлаб кўриш керак. Ҳозирча ҳеч нарсани рад этмаяпмиз, лекин аниқ тасдиқ ҳам беролмаймиз, — дея Газизов сўзларини келтиради Sport24.

Маълумки, 37 ёшли форварднинг сўнгги клуби «Акрон» бўлган. У бу жамоа шарафини 2024 йилдан буён ҳимоя қилиб келаётган эди. Ўтган мавсум Россия чемпионатида Дзюба 26 ўйинда майдонга тушиб, саккизта гол урди ва бешта голли узатма муаллифи бўлди.

Шунингдек, тажрибали ҳужумчи ўз вақтида «Спартак», «Зенит», «Локомотив» ҳамда яна бир қатор бошқа россиялик клублар таркибида ҳам ўйнаган.

Эслатиб ўтамиз, «Динамо» (Махачқалъа) жамоаси ўтган мавсумни турнир жадвалида 14-ўринда якунлади. Янги мавсумдаги Россия чемпионати старт олиши июль ойи охирига мўлжалланган.