Май ойида жанг қилувчи ўзбекистонлик спортчилар билан танишинг!

  • 30 апрель, 2021, 13:13
  • 1
  • MMA

Апрель ҳам ўз якунига етиб, баҳор фаслининг сўнги ойи май ҳам эшик қоқмоқда. Албатта, апрелда ўзбек яккакураш оламида жуда кўп воқейликлар бўлиб ўтди. Жумладан, 3 апрель куни Тошкентда профессионал бокс оқшоми бўлиб ўтди. Қолаверса, ММА, К-1, кикбоксинг бўйича вакилларимиз ҳам муҳим жангларда иштирок этди. 

Май ойида ҳам ўзбек яккакураш олами вакилларининг баъзи бирлари ўз жангларини ўтказади. Тўғри, нисбатан камроқ сабаби барчага маълумки, ҳозир муқаддас Рамазон ойидамиз. 

Демак, 3 май куни Россиянинг Екатеринбург шаҳрида RCC ҳамда "One Championship" промоушенлари томонидан ташкил этилувчи турнирда юртимизнинг кўзга кўринган профессионал муайтай ҳамда К-1 устаси Мавлуд Тифиев россиялик Владимир Кузминга қарши профессионал кикбоксинг йўналишида жанг қилади. 

8 май куни эса UFCдаги вакилимиз Зарруҳ Адашев(3-3) ушбу промоушендаги учинчи жангида октагонга кўтарилади. У АҚШ вакили Райан Беноит (10-7) билан муҳим жангда иштирок этади.

Ва ниҳоят, 21 майда Бирлашган Араб Амирлигининг Дубай шаҳрида бокс бўйича катталар ўртасида Осиё чемпионати ташкил этилади. Табиийки эркаклар ҳамда аёллар терма жамоамиз бу турнирда ғолиблик учун рингга кўтарилади. Аслида бу мусобақа Ҳиндистонда ўтказилиши керак эди. Бироқ у ерда коронавирус авж олганлиги туфайли, чемпионат БААга кўчирилди.

Шунингдек, профессионал боксчиларимиз Жамшидбек Нажмиддинов ҳамда Шоҳжаҳон Эргашев ҳам ўз жангларини ўтказиши кутилмоқда. 

Бизда ҳозирча шулар... Яккакураш оламида воқеликлар жуда тез содир бўлади. Шундай экан бизни кузатишда давом этинг!

Фикрлар

Фикр қолдириш учун авторизациядан ўтинг!
&
Турсун Ғани
30/04/2021 22:52
Осиё чемпионати ва шохжахон эргашев жангларини кутиб қоламиз. Янгиликлардан тез тез ҳабардор қилиб туринглар.