Майкл Оуэн янги мавсумда АПЛ фаворитларини айтди

Англия терма жамоасининг собиқ ҳужумчиси Майкл Оуэн янги АПЛ мавсумида амалдаги чемпион “Арсенал”ни асосий фаворит, деб ҳисобламоқда. Шу билан бирга, эксперт Лондон жамоасига чемпионликни ҳимоя қилиш осон бўлмаслигини айтди.

- Ўтган мавсумда “Арсенал”да етиб бўлмас натижа ҳақида гапириш учун унчалик кўп очко бўлмаган. Еврокубокларда иштирок этмайдиган “Челси” ҳам бу гал кураша олади. “Ливерпуль” ва “Манчестер Сити”нинг янги мураббийлари мавсумни муваффақиятли бошлаб, тезда чемпионлик учун курашга қўшилиб кетишлари мумкин.

“Тоттенхэм” трансфер бозорида яхши ишлади. Шунинг учун “Арсенал” фаворит, аммо у чемпионликни кафолатланган тарзда ва муаммосиз қўлга киритади, деб бўлмайди, - деди Оуэн Metro нашрига берган интервьюсида.

Собиқ футболчи фикрига кўра, “Арсенал”нинг асосий рақиби “Ливерпуль” бўлади. Оуэн мерсисайдликларга омадсиз ўтган ўтган мавсумдан кейин таркибни кучайтириш зарурлигини таъкидлади.

- “Ливерпуль” учун ўтган мавсум энг яхши мавсум бўлмади. Жамоа унчалик яхши ўйнамади ва жуда кўп гол ўтказиб юборди. Слотнинг кетиши ва Ираоланинг келиши услуб ўзгаришини англатади. У “Борнмут”да қизиқарли футбол кўрсатди, аммо энди босим анча юқори бўлган каттароқ клубда ишлаяпти.

“Ливерпуль”га кучайиш керак. Кўринишидан, улар учун асосий вариант Баркола бўлиб турибди, унинг трансфери жуда қимматга тушади. Агар клуб уни сотиб олиб, таркибга чуқурлик ва сифат қўша олса, ҳақиқатан ҳам чемпионлик учун кураша олади, - деди Оуэн.

Оуэн якунда “Челси”ни учинчи, “Манчестер Сити”ни тўртинчи, “Манчестер Юнайтед”ни бешинчи, “Тоттенхэм”ни эса олтинчи ўринга қўйди.

АПЛнинг янги мавсуми 21 август куни бошланади.