Мбаппе - сайёрамизнинг энг қиммат футболчиси, Роналду 49-ўринда

Халқаро спорт тадқиқотлари маркази (CIES Football Observatory) дунёнинг айни дамдаги энг қиммат футболчилари рейтингини тузиб чиқди.

Рейтингни катта устунлик билан ПСЖ форварди Килиан Мбаппе бошқариб бормоқда. Франциялик футбол юлдузининг трансфери 265,2 миллион еврога баҳоланмоқда.

Кучли учликдан эса Рахим Стерлинг ("Манчестер Сити" 223,7 млн) ва Муҳаммад Салоҳ ("Ливерпуль" 175,1 млн) жой олди.

Қизиғи 6 карра “Олтин тўп” соҳиби Лионель Месси 8-ўринда, 5 карра “Олтин тўп” соҳиби Криштиану Роналду эса 49-ўринда қайд этилди.

Қуйида дунёнинг энг қиммат 20 та футболчиси билан танишиб олишингиз мумкин: