Мбаппе, ўзинг эшик қоқиб келсанг ҳам, жамоага олмаймиз!

Marca нашри “Реал” раҳбарияти ПСЖ ҳужумчиси Килиан Мбаппе трансфери бўйича футболчи билан алоқа ўрнатилгани ҳақидаги хабарлар ҳақиқатдан узоқ эканини таъкидламоқда. Томонлар ўртасида ҳеч қандай музокара ўтказилмаган.

Лионель Месси ПСЖ раҳбарияти билан янги битим борасида келишиб олгани Мбаппега таъсир қила бошлади. 24 ёшли ҳужумчи жамоа унинг атрофида шакллантирилишини истайди. Бундан ташқари, Мбаппе жамоа ичида жанубий америкалик футболчиларнинг таъсири кучли эканини ҳазм қила олмаяпти.

Бир сўз билан айтганда, Мбаппе ПСЖдаги ҳолатидан норози. Бошқа клубга ўтишни истаяпти. Бироқ, дунёнинг ҳеч бир клуби Мбаппега Париж клуби тақдим этган шароитни қилиб беролмайди. Хусусан, “Реал” ҳам Мбаппе ўзи Мадридга келган тақдирда ҳам у билан ҳамкорлик қилмаслигини билдирган.

“Реал” яқинда бразилиялик вундеркинд Эндрикни харид қилди. Энди мадридликлар “Боруссия” етакчиси Жуд Беллингем трансфери устида ишламоқда.