Мбаппе, шу ишни қилсанг 90 миллион евро оласан!

ПСЖ раҳбарияти етакчи ҳужумчиси Килиан Мбаппени ушлаб қолиш учун турли йўлларни қидирмоқда. Хусусан, мутасаддилари 24 ёшли футболчини садоқат кўрсатиши учун катта миқдорда мукофот пули билан сийламоқчи.

RMC Sport нашрининг таъкидлашича, ПСЖ хўжайинлари агар Мбаппе ёзда бошқа жамоага ўтиб кетмаса, унга 90 миллион евро миқдорида мукофот пули ажратади.

Мбаппе парижликлар сафида 2017 йилдан бери ўйнаб келмоқда. Ўтган йили у клуб билан келишувини узайтирди. Шундай бўлс-да, Килиан “Реал”га ўтиш фикридан қайтгани йўқ.

Трансфер мутахассислари Мбаппе “Реал”га 2024 йилнинг ёзида кўчиб ўтиши мумкинлигини таъкидлаяпти. Чунки бир йилдан кейин футболчида клуб билан ҳамкорликни тўхтатиш ҳуқуқи бор.