Мбаппе: "400 та гол билан одамларни шокка тушириб бўлмайди"

"Реал" ва Франция терма жамоаси ҳужумчиси Килиан Мбаппе клуб ва терма жамоа сафида профессионал фаолиятидаги 399 ва 400-голларини урди. Бу 2026 йилги жаҳон чемпионати саралашининг 5-туридан ўрин олган Украинага (4:0) қарши ўйинда содир бўлди.

"400 - бу одамларни ҳайратда қолдирмайди. Одамларни шокка туширадиганлар даврасига кирмоқчи бўлсанг, яна 400 та гол уришинг керак. Роналдунинг 1000 голи? Бу ақлбовар қилмас натижа. Келинг, иложсиз нарсаларга интилайлик, ҳаракат қилиш керак. Бизда фақат битта фаолият бор", - дея Мбаппенинг сўзларини келтиради RMC Sport.

Франциялик ҳужумчи 26 ёшида афсонавий Пеледан кейин футбол тарихида бу кўрсаткичга эришган иккинчи энг ёш футболчи ва 27 ёшгача бўлган иккинчи футболчи бўлди.