Мбаппе айнан мана шу жамоада дунёнинг энг зўр футболчисига айланади

Бразилиялик футбол юлдузи Рональдиньо ПСЖ ҳужумчиси Килиан Мбаппе ҳақида илиқ фикр билдирди.

- Мбаппе айнан ПСЖда Чемпионлар лигасини ютиши ва дунёнинг энг зўр футболчисига айланиши мумкин. Менинг давримда ҳаммаси бошқача эди. Ҳозир ПСЖ Европанинг топ-клублари даражасига етган.

Мен Мбаппенинг жамоада қолишини истайман. Биз дунёнинг энг зўр ўйинчилари ПСЖда ўйнаб, Чемпионлар лигасида зафар қучишини томоша қилмоқчимиз, - деди Роналдиньо.

Роналдиньонинг ўзи Европадаги фаолиятини айнан Париж клубида бошлаган. Бразилиялик истеъдод эгаси 2001-2003 йиллар давомида парижликлар сафида 55 та учрашувда 17 та гол урган.