Мбаппе: «“Барселона” мухлисларидан ташқари ҳамма биладики, “Реал” дунёдаги энг улуғ клуб»

«Реал» ҳужумчиси Килиан Мбаппе жамоасининг мақоми ҳақида фикр билдирди. Франция терма жамоаси юлдузига кўра, мадридликлар дунёдаги энг буюк клуб ҳисобланади.
 

Килиан Мбаппе 2024 йил ёзида «Реал» сафига қўшилган. Шундан бери у клуб даражасида 103 та расмий ўйин ўтказиб, рақиб дарвозаларига 86 та гол урди ва жамоадошларига 12 марта ҳал қилувчи пас берди.
 

Шуни ҳам таъкидлаш керакки, Мбаппе «Реал» таркибида икки мавсум ичида бор-йўғи иккита соврин қўлга киритган: УЕФА Суперкубоги ва Халқаро қитъалар ўртасидаги кубок. Ла Лиганинг сўнгги мавсумида эса «қироллик клуби» мусобақани иккинчи ўринда якунлади.