Мбаппе "Барселона"га қарши финални ўтказиб юбориш хавфи бор

 Килиан Мбаппе “Алавес”га қарши ўйинда жуда қўпол қоида бузганлиги учун тўғридан-тўғри қизил карточка олди. Эндиликда “Реал” юлдузи ички мусобақаларда дисквалификация билан юзма-юз келади. Савол эса шундаки — француз футболчи нечта ўйинни ўтказиб юборади?

Агар Мбаппе учта ёки ундан кўп ўйинга дисквалификация қилинса, у ҳолда у “Барселона”га қарши Испания Кубоги финалини ўтказиб юборади. Бундан ташқари, бу жазолар француз футболчисининг “Реал”даги дебют мавсумида Криштиану Роналдунинг гол рекордини янгилашига ҳам тўсқинлик қилиши мумкин. Ҳозирда Мбаппенинг ҳисобида 32 та гол бор, Роналдунинг эса 2009/2010 йилги мавсумда 33 та голи бўлган.

Бироқ собиқ ҳакам Эдуардо Итурралде Мбаппенинг дисквалификацияси узоқ давом этмаслигига ишонмоқда.

— “Бу икки ўйинлик дисквалификация бўлади, чунки "Алавес" футболчиси жароҳат олмади, уни захирага алмаштиришга тўғри келмади. Мбаппе финални ўтказиб юборади, агар тўрт ёки ундан ортиқ ўйинга четлатилса, лекин бу содир бўлмайди”, — дея Итурралденинг сўзларини келтиради АS нашри.