Мбаппе "Бенфика"га қарши ўйинда майдонга тушиши мумкин
"Реал Мадрид" ҳужумчиси Килиан Мбаппе "Бенфика"га қарши учрашувда иштирок этиши мумкин.
Франциялик футболчи шанба куни Ла Лига доирасидаги "Реал Сосьедад"га қарши баҳсда (4:1) майдонга тушмади. Аввалроқ Мбаппе декабрь ойи охирида олган жароҳати сабабли тиззасида ноқулайлик сезаётгани ҳақида хабарлар тарқалган эди.
"Marca" маълумотига кўра, бугунги машғулотда Мбаппе умумий гуруҳ билан шуғулланди. "Реал Сосьедад"га қарши ўйинда қатнашган футболчилар тикланиш машғулотини ўтказишди ва уларнинг ҳеч бири кечаги баҳсда жароҳат олмаган.
Шунингдек, хабар қилинишича, Чемпионлар лигаси доирасида "Бенфика"га қарши сешанба куни бўлиб ўтадиган учрашувда Жуд Беллингем, Эдер Милитао ҳамда Родриго аниқ иштирок этмайди. Улар жароҳатидан тикланишни давом эттирмоқда.
Фикрлар