Мбаппе бир қарорга келди

Футболга ихтисослашган 90min нашри ПСЖ ҳужумчиси Килиан Мбаппе фаолиятини қаерда давом эттириш бўйича бир қарорга келди.

Манбанинг таъкидлашича,  23 ёшли футболчи Европа Чемпионлар лигасида финалга чиққан “Реал”ни танлаган. Мбаппе ўз қарорини шу ой охиригача эълон қилиши айтилмоқда.

ПСЖ раҳбарияти ҳамон Мбаппени Парижда қолишга кўндириш ҳаракатларини тўхтатгани йўқ. Таркибда бир неча юлдузлар жамланганига қарамай, ПСЖ халқаро майдонда юксак мақсадлар сари  курашишни уддалай олмаяпти.

Килиан Мбаппе эса футболчилар учун энг нуфузли соврин – “Олтин тўп”ни қўлга киритиш учун Чемпионлар лигасидаги муваффақият катта имтиёз беришини билган ҳолда, айнан қитъанинг энг зўр турнирида ғолиб чиқмоқчи.

Бу борада “Реал” Килиан орзусидаги клуб ҳисобланади. Мадридликлар деярли ҳар мавсум Чемпионлар лигаси бош совринига даъвогарлик қилади.