Мбаппе бу ерда ўртамиёна ўйинчи бўларди

Машҳур парагвайлик дарвозабон Хосе Луис Чилаверт ПСЖ ҳужумчиси Килиан Мбаппенинг Европа футболи Жанубий Американикидан устун экани ҳақидаги фикрларига эътироз билдирди.

- Мбаппе Жанубий Америка футболининг даражаси юқори эмас, деди. Мен Килиан Ла-Пас ёки Китога келиб, баландликда югуриб кўришини, Бразилияда ўйнаб кўришини истайман.

Бу ерда Мбаппе ўртамиёна ўйинчи бўларди. Чунки унинг хатти-ҳаракатларини олдиндан билиб олиш мумкин.

Албатта, Мбаппенинг тезлиги катта, лекин жанубий америкалик ҳимоячилар уни назоратда ушлаб туришга қодир, - деди Хосе Луис Чилаверт.

Чилаверт дарвозабон бўлишига қарамай, рақиблар дарвозасига 62 та тўп киритгани билан ном қозонган.