Мбаппе: "Энг ёдда қолган голим — "Реал"даги илк голим"

Мадриднинг "Реал" клуби ҳужумчиси Килиан Мбаппе жамоа сафида урган энг ёдда қолган голи ҳақида гапирди.

"Кўпинча сўнгги голимни айтаман. Аммо бу сафар "Сантьяго Бернабеу"да "Бетис" дарвозасига урган илк голимни таъкидламоқчиман. У пайтда айнан шу гол "Реал"даги фаолиятимга старт берган эди. Бу мен учун жуда ёқимли хотира", — деди франциялик футболчи "Marca" нашрига.

Эслатиб ўтамиз, 26 ёшли Мбаппе 2024 йил ёзида "Реал" сафига қўшилган. Унинг шартномаси 2029 йилнинг ўртасигача мўлжалланган. Жорий мавсум Ла Лигада у 10 та ўйинда майдонга тушиб, 11 та гол ва 2 та голли узатма қайд этган.