Мбаппе Испанияга қарши ўйиндан кейин нималар деди?

Франция терма жамоаси ва "Реал" Мадрид клуби ҳужумичиси Испанияга қарши ўйиндан кейин фикрларини билдириб ўтди.

- "Испания биздан анча яхши ўйнади. Биз ўйинни қайта кўриб чиқишимиз керак. Қисқа вақт ичида иккита гол ўтказиб юбордик ва иккинчи бўлимда ўйинни қайтара олмадик".

- Нега ниқобсиз ўйнадинг?

- "Мен бу қарорни ўйиндан олдин қабул қилдим. Мен ниқобдан чарчадим ва шифокордан ниқобсиз ўйнашни сўрадим ҳамда у менга истаганингни қил деб айтди.

Мен учун турнир муваффақиятсиз якунланди. Мусобақада ғолиб бўлишни жуда хоҳлагандим. Оғир ўйинлар кўп бўлди ва энди мен таътилга чиқиб, дам олмоқчиман. Ҳа, мен турнирни ёмон ўтказдим ва биз уйга қайтамиз. Менга дам олиш жуда муҳим. Шундан сўнг янги ҳаёт бошланади", - деди Мбаппе.