Мбаппе ЖЧ-2022 финали ҳақида: "Мессидан жуда қаттиқ жаҳлим чиққан эди"

"Реал" ҳужумчиси Килиан Мбаппе якшанба куни намойиш этилган интервюсида "Олтин тўп" ва Жаҳон чемпионати финалидан сўнг Мессига бўлган муносабати ҳақида гапирди.

"Мен аллақачон кўп нарсага эришдим. Энди қандай муҳим совринларни ютишим керак? Чемпионлар Лигаси – ва мен буни амалга ошириш учун энг яхши клубда ўйнаяпман. Европа чемпионати. Нега бир куни Олимпиадада ҳам ўйнамаслигим керак?

Индивидуал мукофотлар ҳам муҳим – албатта, "Олтин тўп" мен учун етишмаяпти. Мен бу мукофотни қўлга киритиш учун майдонда ва ундан ташқарида нима қилиш кераклигини яхши биламан. Агар қўлимдан келган барча ҳаракатларни қилсам, уни албатта ютаман.

Мен унга жуда жаҳлим чиққанди. Жуда қаттиқ. Лекин барибир уни ҳурмат қилардим, чунки у – Месси.  

Биз иккаламиз ҳам бу совуқ муҳитни эритдик – қандай қилиб бир-биримизга қарши курашганимиз ҳақида кулиб гаплашдик. Ўша финал бизда унутилмас хотираларни қолдирди. Менимча, бу бизни бир-биримизга яқинлаштирди",-деди франциялик юлдуз.